Somos un Club moi novo e, como tal, estamos comezando a dar os primeiros pasos. Neses primeiros pasos vemos cada vez máis preciso ter unha ferramenta que nos axude a regular o noso día a día, sabendo que non somos un Club máis, senón que somos un Club salesiano, que quere educar á infancia e á mocidade nuns valores concretos…
E como Club salesiano somos un club familiar, polo que pedimos a vosa axuda para elaborar este documento… A Xunta Directiva do Club non somos profesionais da xestión deportiva, pero si temos moitas ganas de escoitarvos (ou lervos) e intentar facer, entre todos e todas, un Club cada vez mellor e cada vez máis salesiano, para que deportistas, familias, adestradores/as e resto de persoas do Club poidamos levar con orgullo o escudo na camiseta, na bufanda e, sobre todo, no corazón.
A túa axuda é importante!!!
E, como dicía Don Bosco:
Adiante, sempre adiante!!! Avanti, sempre avanti!!!
